გაცნობითი შეხვედრა საქართველოს განათლებისა და მეცნიერების სამინისტროში

შეხვედრის მთავარი მიზანი იყო განათლების სამინისტროს წარმომადგენლებისთვის საქართველოში „ფიფლ ინ ნიდ“-ის საქმიანობის გაცნობა. ასევე, OWIS (One World in Schools)-ის მეთოდოლოგიის შესახებ ინფორმაციის გაზიარება. შეხვედრაზე აღინიშნა, რომ ყოველწლიურ ფესტივალზე (ერთი მსოფლიო სკოლებში) ხდება დოკუმენტური ფილმების შერჩევა და ჩეხეთის სკოლებში სასწავლო პროცესში გამოყენება.

ზოგადი განათლების მართვისა და განვითარების დეპარტამენტის ხელმძღვანელმა, ლალი კალანდაძემ აღნიშნა, რომ მათთვის საინტერესოა ის დოკუმენტური ფილმები და სახელმძღვანელოები, რომლებსაც „ფიფლ ინ ნიდ“ იყენებს ადამიანის უფლებებისა და მედიაწიგნიერების სწავლების მიმართულებით. მისივე თქმით, PIN-თან თანამშრომლობით მასალების განთავსება შესაძლებელია განათლებისა და მეცნიერების სამინისტროს - ზოგადი განათლების რეფორმის ონლაინ პლატფორმაზე, რაც ფართო აუდიტორიას მისცემს „ფიფლ ინ ნიდ“-ის სასწავლო რესურსებზე წვდომის საშუალებას.